“ശങ്കര നാരായണനും കൃഷ്ണ പ്രിയയും പത്താം വളവും” അഭിലാഷ് പിള്ള പറയുന്നു

Scriptwriter Abhilash Pillai Pathaam Valavu movie Shankaranarayan: മഞ്ചേരി സ്വദേശി ശങ്കരനാരായണന്റെ 13 വയസ്സുകാരി മകൾ കൃഷ്ണപ്രിയ 2001 ഫെബ്രുവരിയിൽ ക്രൂരമായി കൊല്ലപ്പെട്ടു. സംശയത്തിൽ അറസ്റ്റായ അയൽക്കാരൻ മുഹമ്മദ് കോയ പിന്നീട് മരിച്ചു കണ്ടെത്തി, ശങ്കരനാരായണനെ കുറ്റവാളിയാക്കി ശിക്ഷിച്ചെങ്കിലും പിന്നീട് ഹൈക്കോടതി അദ്ദേഹത്തെ വിമുക്തനാക്കി. എന്നാൽ അത് ഒരു അച്ഛന്റെ നീതിയായി സമൂഹം വിലയിരുത്തി.

ഈ സംഭവം പല സിനിമകളിൽ ആശയമായിരുന്നു. ഇപ്പോൾ ശങ്കരനാരായണൻ അന്തരിച്ചു. അദ്ദേഹത്തിന്റെ ഓർമ്മകൾ തിരക്കഥാകൃത്ത് അഭിലാഷ് പിള്ള പങ്കുവെക്കുന്നു. “ശങ്കര നാരായണനും കൃഷ്ണ പ്രിയയും പത്താം വളവും.
ചില മരണ വാർത്തകൾ അറിഞ്ഞു കഴിയുമ്പോൾ മനസ്സിൽ വല്ലാത്ത ഒരു മരവിപ്പ് അനുഭവപ്പെടും അതിന് അവർ നമ്മുക്ക് വേണ്ടപ്പെട്ടവരോ സുഹൃത്തുക്കളോ ആകണമെന്നില്ല അത് പോലെ ഒരു വാർത്ത ഇന്നലെ ഞാൻ അറിഞ്ഞു

ഒരു പക്ഷെ അത്ര വാർത്ത പ്രാധാന്യം ആ മരണത്തിന് ഉണ്ടോ എന്ന് ചോദിച്ചാൽ എനിക്കറിയില്ല പക്ഷെ ആ മരിച്ച മനുഷ്യന്റെ പേരിൽ വർഷങ്ങൾക്ക് മുന്നേ വന്ന വാർത്തകൾ കേട്ട് പെണ്മക്കളുള്ള ഓരോ അച്ഛനമ്മമാരും കയ്യടിച്ചിട്ടുണ്ട്, സ്വന്തം മകളെ പീഡിപ്പിച്ച പ്രതിയെ കൊന്നു കളഞ്ഞ ശങ്കരനാരായണൻ എന്ന മനുഷ്യൻ എനിക്കു ആരാണ് എന്ന് ചോദിച്ചാൽ അതിന് ഉത്തരമില്ല,

എന്നാൽ എന്റെ ജീവിതത്തിൽ ഞാൻ ചെയ്‌ത ഓരോ സിനിമയും എനിക്ക് ചുറ്റും നടന്ന യഥാർത്ഥ സംഭവങ്ങളിൽ നിന്നും ഞാൻ കണ്ടെത്തിയവയാണ്, വർഷങ്ങൾക്കു മുന്നേ ഞാൻ പരിചയപ്പെട്ട ഒരു അപരിചിതൻ അന്ന് എന്നോട് പറഞ്ഞ കാര്യങ്ങളിൽ നിന്നും എനിക്ക് തോന്നിയ കഥയായിരുന്നു പത്താം വളവ്, അന്ന് ഞാൻ സംസാരിച്ച അപരിചിതന്റെ പേര് ശങ്കരനാരായണൻ, കൃഷ്ണ പ്രിയയുടെ അച്ഛൻ. എന്റെ കഥയിലെ സോളമൻ. Nb: ഇന്ന് അവൾ സന്തോഷിക്കും ഇനി അവൾക്ക് കാവലായി അവളോടൊപ്പം അച്ഛനുണ്ട്.”