നമുക്കൊരു ഒന്നൊന്നര ടീം വരുന്നുണ്ടേ!! പുതിയ ഫുട്‍ബോൾ ക്ലബ് പ്രഖ്യാപിച്ച് പൃഥ്വിരാജ്

സൂപ്പർ ലീഗ് കേരള (SLK) ഉദഘാടന സീസണിൽ മത്സരിക്കുന്ന തൻ്റെ കൊച്ചി ആസ്ഥാനമായുള്ള ഫുട്ബോൾ ടീമിൻ്റെ പേര് പൃഥ്വിരാജ് സുകുമാരൻ ഔദ്യോഗികമായി പ്രഖ്യാപിച്ചു. ഇൻസ്റ്റാഗ്രാമിൽ പൃഥ്വിരാജ് ടീമിൻ്റെ ഔദ്യോഗിക നാമമായി ‘ഫോഴ്സാ കൊച്ചി എഫ്‌സി’ (Forca Kochi FC) അവതരിപ്പിച്ചു. പൃഥ്വിരാജും ഭാര്യ സുപ്രിയയും

ആരാധകരിൽ നിന്നും അനുയായികളിൽ നിന്നും പേര് നിർദ്ദേശങ്ങൾ തേടി സോഷ്യൽ മീഡിയ പ്രചാരണത്തിന് പിന്നാലെയാണ് പ്രഖ്യാപനം. തൻ്റെ ഇൻസ്റ്റഗ്രാം പോസ്റ്റിൽ പൃഥ്വിരാജ് തൻ്റെ ആവേശം പ്രകടിപ്പിച്ചു, “ഫുട്ബോളിൽ കൊച്ചിയുടെ പുതിയ ശക്തി അവതരിപ്പിക്കുന്നതിൽ ഞങ്ങൾക്ക് സന്തോഷമുണ്ട്. ഈ പുതിയ പേരുമായി ഞങ്ങൾ കളത്തിലേക്ക് ചുവടുവെക്കുമ്പോൾ, കൊച്ചിയിലെ ഫോഴ്‌സ് വിജയത്തിനും അനന്തമായ സാധ്യതകൾക്കുമായി ഒരുങ്ങുകയാണ്. ലോകോത്തര, പ്രാദേശിക

ഫുട്ബോൾ പ്രതിഭകളുമായി ഞങ്ങൾ ഒന്നിക്കുന്നു, കൊച്ചിയെ പ്രചോദിപ്പിക്കുകയും എല്ലാ ആരാധകരെയും ഞങ്ങളുടെ പാരമ്പര്യത്തിൽ ഉൾപ്പെടുത്തുകയും ചെയ്യുന്നു,” പൃഥ്വിരാജ് പറയുന്നു. “ഒരു പുതിയ അധ്യായം കുറിക്കാൻ “ഫോഴ്സാ കൊച്ചി”. കാൽപന്തിന്റെ ലോകത്തിലേക്ക് വിജയം നേടാൻ ഞങ്ങൾ കളത്തിൽ ഇറങ്ങുകയാണ്. പലനാടുകളിലെ ലോകോത്തര പ്രതിഭകളെയും കൊച്ചിയുടെ സ്വന്തം ആവേശം നിറഞ്ഞ ആരാധകരെയും ഒന്നിപ്പിക്കാൻ, ഒരു പുത്തൻ ചരിത്രം തുടങ്ങാൻ!” പൃഥ്വിരാജ് കൂട്ടിച്ചേർത്തു.

കൊച്ചി, തിരുവനന്തപുരം, കോഴിക്കോട്, തൃശൂർ, കണ്ണൂർ, മലപ്പുറം എന്നീ മേഖലകളെ പ്രതിനിധീകരിച്ച് ആറ് ടീമുകളുമായാണ് സൂപ്പർ ലീഗ് കേരള അരങ്ങേറുന്നത്. 45 ദിവസം നീണ്ടുനിൽക്കുന്ന ലീഗിൻ്റെ ആദ്യ സീസൺ സെപ്റ്റംബർ ആദ്യം ആരംഭിക്കും. ഈ സംരംഭം പ്രാദേശിക ഫുട്ബോൾ പ്രതിഭകളെ പരിപോഷിപ്പിക്കുന്നതിനും കേരളത്തിലെ കായികരംഗത്തെ പ്രൊഫൈൽ ഉയർത്തുന്നതിനും ലക്ഷ്യമിടുന്നു. Prithviraj new football team Forca Kochi FC for Super League Kerala