നടൻ ഡാനിയൽ ബാലാജി വിടവാങ്ങി, മരണകാരണം പുറത്ത്!! അനുശോചനം അറിയിച്ച് സിനിമ വ്യവസായം
Actor Daniel Balaji passes away
Actor Daniel Balaji passes away: ‘ഡാഡികൂൾ’ എന്ന ചിത്രത്തിലൂടെ മലയാളികൾക്ക് സുപരിചിതമായ തമിഴ് താരമാണ് ഡാനിയൽ ബാലാജി. സിനിമ ലോകത്ത് മികച്ച ഒരുപിടി ഓർമ്മകളും സംഭാവനകളും നൽകിയ ബാലാജി ഈ ലോകത്തോട് വിട പറഞ്ഞിരിക്കുകയാണ്. 48 വയസ്സായിരുന്നു പ്രായം. ഹൃദയാഘാതത്തെ തുടർന്നാണ് അന്ത്യം.
കടുത്ത നെഞ്ചുവേദന തുടർന്ന് ചെന്നൈയിലെ ഒരു ആശുപത്രിയിൽ പ്രവേശിപ്പിക്കുകയും അവിടെവെച്ച് മരണം സംഭവിക്കുകയും ആയിരുന്നു. ശനിയാഴ്ചയാണ് സംസ്കാര ചടങ്ങുകൾ നടക്കുക. ചെന്നൈയിലെ വസതിയിൽ മൃതദേഹം സംസ്കരിക്കും എന്ന് വീട്ടുകാർ അറിയിച്ചു. ടെലിവിഷൻ സീരിയലിലൂടെ അഭിനയത്തിലേക്ക് എത്തിയ ശേഷമാണ് ഇദ്ദേഹത്തിന് സിനിമ മേഖലയിൽ അവസരങ്ങൾ ഏറെ ലഭിച്ചത്.
സൂര്യക്കൊപ്പം ‘കാഖ കാഖ’ എന്ന ചിത്രത്തിലും കമൽഹാസനൊപ്പം ‘വേട്ടയാട് വിളയാട്’ എന്ന ചിത്രത്തിലും വില്ലൻ വേഷത്തിൽ പ്രത്യക്ഷപ്പെട്ട താരത്തിന്റെ കഥാപാത്രം ഏറെ ശ്രദ്ധിക്കപ്പെട്ടതോടെ സിനിമ മേഖലയിൽ ഇദ്ദേഹത്തിന് നിരവധി അവസരങ്ങൾ ലഭിക്കുകയായിരുന്നു. ഒട്ടനവധി തമിഴ്, മലയാള ചിത്രങ്ങളിൽ ശ്രദ്ധേയമായ വേഷങ്ങൾ കൈകാര്യം ചെയ്ത ഇദ്ദേഹം സഹതാരമായും വില്ലൻ റോളിലും കൈകാര്യം ചെയ്ത കഥാപാത്രങ്ങൾ ഒക്കെ ഇന്നും ആളുകൾക്ക് പ്രിയപ്പെട്ടതാണ്.
വളരെ ചുരുങ്ങിയ സമയം കൊണ്ട് സിനിമ മേഖലയിൽ തന്റേതായ കയ്യൊപ്പ് പതിപ്പിക്കുവാൻ ഇദ്ദേഹത്തിന് സാധിക്കുകയും ചെയ്തിട്ടുണ്ട്. ഡാനിയൽ ബാലാജിയുടെ മരണത്തിൽ സിനിമ മേഖലയിലെ പ്രമുഖരും സാംസ്കാരിക രാഷ്ട്രീയ രംഗത്തെ പ്രമുഖരും അടക്കം അനുശോചനം അറിയിച്ച് രംഗത്തെത്തി. തെന്നിന്ത്യൻ സിനിമ മേഖലയ്ക്ക് ഇദ്ദേഹത്തിൻറെ വേർപാട് വലിയൊരു നഷ്ടം തന്നെയാണെന്ന് സിനിമ മേഖലയിലെ പ്രമുഖർ അഭിപ്രായപ്പെട്ടു.
