ധോണിക്കെതിരെ ആസൂത്രണം ചെയ്യുന്നത് അസാധ്യമാണ്, കൊഹ്‍ലിയെയും സൂര്യയെയും കുറിച്ച് സഞ്ജു സംസാരിക്കുന്നു
ബംഗ്ലാദേശിനെതിരായ ടി20 പരമ്പരയിൽ മികച്ച പ്രകടനം പുറത്തെടുത്തതിന്റെ ശേഷം നിരവധി മാധ്യമങ്ങൾക്ക് സഞ്ജു സാംസൺ അഭിമുഖങ്ങൾ നൽകിയിരുന്നു. ഇപ്പോൾ രഞ്ജി ട്രോഫിയിൽ കേരള ടീമിന്റെ ഭാഗമായ സഞ്ജു, കഴിഞ്ഞ ദിവസം വിമൽകുമാർ യൂട്യൂബ് ചാനലിനോട് പ്രതികരിക്കുന്ന വേളയിൽചില കാര്യങ്ങൾ തുറന്നു പറയുകയുണ്ടായി. ഇന്ത്യൻ ടി20 ക്യാപ്റ്റൻ സൂര്യകുമാർ യാദവുമായുള്ള സൗഹൃദവും, അദ്ദേഹം നൽകുന്ന പിന്തുണയെ കുറിച്ചും സഞ്ജു വാചാലനായി.
ഐപിഎല്ലിൽ രാജസ്ഥാൻ റോയൽസിനെ നയിച്ച് പരിചയമുള്ള താരമാണ് സഞ്ജു സാംസൺ. എന്നാൽ, ഡ്രസ്സിംഗ് റൂമിൽ സഹതാരത്തോട് സൂര്യകുമാർ യാദവ് ഇടപെടുന്ന രീതിയെ സഞ്ജു പുകഴ്ത്തി. ഇത് ആദ്യമായിയാണ് ഒരാൾ തന്നോട് ഇന്ത്യൻ ഡ്രസ്സിംഗ് റൂമിൽ ആശയങ്ങൾ പങ്കുവെക്കുന്നത് എന്നും തന്റെ ആശയങ്ങൾ ശ്രദ്ധിക്കുന്നത് എന്നും സൂര്യകുമാർ യാദവിനെ കുറിച്ച് സഞ്ജു പറഞ്ഞു. അതേസമയം, പ്രീ-പ്ലാനിങ്ങിൽ താൻ ഏറ്റവും ബുദ്ധിമുട്ട് നേരിട്ടുള്ള കളിക്കാരനെ കുറിച്ച് സഞ്ജു വെളിപ്പെടുത്തി.
മുൻ ഇന്ത്യൻ ക്യാപ്റ്റൻ എംഎസ് ധോണിയെ കുറിച്ചാണ് സഞ്ജു പറഞ്ഞത്. ഐപിഎല്ലിൽ ചെന്നൈ സൂപ്പർ കിങ്സിനെതിരായ മത്സരം വരുമ്പോൾ ധോണിക്കെതിരെ യാതൊരു മുൻ വിധികളും സ്വീകരിക്കാറില്ല എന്ന് സഞ്ജു തുറന്നു പറഞ്ഞു. “എംഎസ് ധോണിക്കെതിരെ പ്ലാൻ ചെയ്യുന്നത് ബുദ്ധിമുട്ടാണ്. പ്ലാൻ ചെയ്യുമ്പോൾ മഹി ഭായിയുടെ പേര് വരുമ്പോൾ, അത് വിടൂ അടുത്തത് നോക്കൂ എന്നാണ് ഞങ്ങൾ പറയുക,” സഞ്ജു സാംസൺ പറഞ്ഞു. അതേസമയം താൻ കണ്ടിട്ടുള്ളതിൽ വെച്ച്,
The way Sanju Samson praised Surya Kumar Yadav clearly shows that how he was treated like an Outsider in the indian dressing room earlier
— BRUTU #AUG21 ❤️ (@Brutu24) October 20, 2024
This is first time someone shared ideas with me and listened to my ideas in the dressing room pic.twitter.com/qLcdJpi3wc
ഈ ലോകത്ത് ഏറ്റവും മികച്ച രീതിയിൽ കവർ ഡ്രൈവ് കളിക്കുന്ന താരം വിരാട് കോഹ്ലി ആണ് എന്ന് സഞ്ജു അഭിപ്രായപ്പെട്ടു. നിലവിൽ രഞ്ജി മത്സരങ്ങളിൽ സജീവമായ സഞ്ജു സാംസൺ, വരാനിരിക്കുന്ന ദക്ഷിണാഫ്രിക്കക്കെതിരായ പരമ്പരയാണ് ഇനി ദേശീയ ടീമിൽ ലക്ഷ്യം വെക്കുന്നത്. ഇതിന്റെ മുന്നൊരുക്കം എന്ന രീതിയിലാണ് സഞ്ജു ഇപ്പോൾ ആഭ്യന്തര ക്രിക്കറ്റിൽ സജീവമായിരിക്കുന്നത്. Sanju Samson praises Suryakumar Yadav and shares insights on MS Dhoni and Virat Kohli
